ەشتێکی زانستی بۆ زانکۆی سۆران
رۆژی چوارشەممە (11ی شوباتی 2026)، قوتابیانی هەرچوار قۆناغی بەشی ماتماتیک لە کۆلێژی پەروەردەی زانکۆی سەلاحەدین، گەشتێکی زانستییان بۆ زانکۆی سۆران ئەنجامدا.
لە چوارچێوەی پەیوەندییە ئەکادیمییەکان و هاوکاری زانستی نێوان زانکۆکان، بەشی ماتماتیک گەشتێکی زانستی بۆ زانکۆی سۆران ڕێکخست. لەم گەشتە زانستییەدا سەرۆکی بەش و ژمارەیەک لە مامۆستایانی بەش بەشداریان کرد.
ئامانجی سەرەکی ئەم سەردانییە پتەوکردنی پەیوەندییە زانستییەکان و ئاڵوگۆڕی ئەزموون لە بوارەکانی وانەوتنەوە و توێژینەوە، هەروەها دۆزینەوەی ڕێگاکانی هاوکاری بەردەوام لە نێوان هەردوو بەشدا بوو.
لە هەمان کاتدا، بەڕێزان پ.ی.د. رەشاد رەشید و د. ئەمین سیمینارێکی تایبەتیان سەبارەت بە پرۆسەی بۆلۆنا بۆ قوتابییانی بەش پێشکەش کرد. لەم سیمینارەدا قوتابییان ئاشنا کران بە تایبەتمەندییەکانی سیستەمی بۆلۆنا و چۆنیەتی جێبەجێکردنی لە زانکۆکانی هەرێمی کوردستان و دەرفەتەکانی پێشکەوتنی ئەکادیمی کە ئەم سیستەمە دەیخاتە بەردەست.
هەروەها گرنگی ئەم سیستەمە پەروەردەییە و سوودەکانی لە ناساندنی پلەی زانستی و هەلی خوێندن و کارکردن لە ئەورووپا ڕوونکراوەتەوە.
ئەم چالاکییانە بەشێکن لە هەوڵە بەردەوامەکانی بەشی ماتماتیک بۆ بەرزکردنەوەی ئاستی زانستی و پەروەردەیی و گەیاندنی زانیاری نوێ و پێویست بە قوتابییان
